Tónleikaveisla í hæsta gæðaflokki verður í Gamla Bíói föstudaginn 1. Nóvember þegar Babies-flokkurinn spilar lög Bee Gees. Það verður öllu til tjaldað á sviðinu því auk Babies verður strengja-kvartett og blásara-tríó. Mega tónleikagestir eiga von á að heyra lög eins og Stayin Alive, How Deep Is Your Love, More Than A Woman, Night Fever, You Should Be Dancing, Jive Talkin’, Nights On Broadway og marga fleiri slagara.

Það er full ástæða til að hvetja fólk til að láta þessu sýningu ekki framhjá sér fara, og gildir þá einu hvort menn eru Bee Gees aðdáendur eða ekki.

Hljómsveitin Hjaltalín snýr aftur eftir langt hlé og heldur sína fyrstu tónleika í fimm ár.

Á tónleikunum mun Hjaltalín spila alla sína helstu slagara og spila lög af öllum breiðskífum sveitarinnar.

Um er að ræða fágætan viðburð sem enginn aðdáandi Hjaltalín, nýr eða gamall, ætti að láta framhjá sér fara.

Liveproject kynnir goðsögnina: Carl Craig
Í boði Tuborg og Smirnoff.

Í samstarfi við Iceland Airwaves og PartyZone.

Forsalan hefst miðvikudaginn 11. September n.k á Tix.is kl 10:00!

Carl Craig hefur verið einn af áhrifamestu tónlistarmönnum á sviði raftónlistar í áratugi. Hann er fæddur og uppalinn í Detroit, Michigan, sem er vagga teknó-tónlistarinnar.
Craig hefur þróað sinn einstaka stíl sem blandar saman fjölbreyttum tónlistarstraumum, þar á meðal teknó, jazz, house og klassískri tónlist. Hann er oft álitinn sem einn af leiðandi listamönnum annarrar bylgju Detroit teknósins og hefur lagt sitt af mörkum til þess að staðsetja þessa tónlistarstefnu á heimskortinu.

Upphitun verður í höndum Intr0beatz & Yamaho.

Sjáumst í Gamla Bíó 8. Nóvember.

Pepsi og Tuborg kynna í samstarfi við 66°N og Celsius:

THE MONNÍ SHOW í Gamla Bíó laugardaginn 28. september.

Tvö ár síðan ég hélt tónleika og ný plata á leiðinni og það þýðir auðvitað að ég verð að spila hana fyrir fólkið mitt.

Lofa veislu fyrir augu og eyru.

One night only svo það verða bara tvennir tónleikar sama kvöld kl. 19 og kl. 21 og verður 20 ára aldurstakmark á seinni tónleikana. Takmarkaður miðafjöldi.

Miðasala hefst 9. ágúst.

Hlakka til að sjá ykkur

Tónlistarkonan Una Torfa gaf út sína fyrstu breiðskífu, Sundurlaus samtöl, þann 26.apríl síðastliðinn. Nú ætlar hún að blása til sannkallaðrar veislu og fagna útgáfunni með stórtónleikum í Gamla bíói.

Tónleikagestir geta búist við því að stíga inn í hugarheim Unu, þar sem þema og viðfangsefni plötunnar mun ekki einungis vera í tónlistinni, heldur einnig í sviðsmyndinni, tónleikasalnum og anddyri hússins.

„Þessi plata er full af lögum sem ég hef átt lengi og spilað oft. Að vissu leyti er ég að reyna að heiðra nokkrar fortíðarútgáfur af sjálfri mér. Lagið Eina sem er eftir sem inniheldur titil plötunnar, er til dæmis fyrsta flækjulausa ástarlagið sem ég samdi. Ég var átján ára og ástfangin og samdi lag sem mér fannst sjálfri svo glaðlegt og væmið að ég þorði ekki að spila það opinberlega í mörg ár, núna er það eitt af uppáhalds lögunum mínum. Lagið Engin spurning samdi ég til Hafsteins þegar við vorum að byrja saman. Ég spilaði Appelsínugult myrkur á útskriftarathöfn MR 2019 þegar ég útskrifaðist þaðan og það fyllir mig ennþá svo miklu þakklæti og hamingju yfir því hvað lífið getur verið stórkostlegt.“ - Una Torfa

Una mun stíga á svið ásamt stórri hljómsveit, strengjasveit og brasssveit. Ekki af missa af þessu einstaka tækifæri til að sjá Unu Torfa ásamt einvalaliði íslenskra tónlistarmanna flytja Sundurlaus samtöl og önnur vel valin lög.

Sælgætisgerðin 30 ára afmælistónleikar

Sælgætisgerðin var sýrudjass og fönksveit sem gerði garðinn frægan á árunum 1994-1997. Hljómsveitin spilaði alla sunnudaga í u.þ.b. 2 ár á Glaumbar og var oftar en ekki fullt út úr dyrum.

Hljómsveitin gaf út plötuna Acid jazz og fönk sem var tekin upp live á Glaumbar og komust færri að en vildu. Allir meðlimir sveitarinnar hafa átt nokkuð farsælan feril í tónlist og eru allir virkir í senunni í dag. Það þótti því tími og við hæfi að kalla saman þessa gamalgrónu og miklu stemningssveit.

Húsið opnar kl 20.00 og kl 21.00 Hefst acid jazz og fönkpartý aldarinnar

Loksins loksins!

Dikta og Jeff Who? í Gamla bíói 7. september 2024!

Á síðustu 20 árum hefur Dikta skipað sér sess á meðal vinsælustu hljómsveita landsins. Rokkhljómsveitin hefur á ferli sínum komið víða við, gefið út fimm breiðskífur, haldið í mörg tónleikaferðalög utan landsteinanna og spilað á öllum helstu tónleikasviðum landsins.

Hljómsveitin Jeff Who? ætti að vera flestum kunn en hún gerði garðinn frægan fyrr á þessari öld. Sveitin var talin eitt allra hressasta rokkband landsins og naut lag þeirra, Barfly, gríðarlegra vinsælda og gerir enn.

Dikta og Jeff Who? spiluðu saman á tónleikum í ófá skipti á sínum tíma og hlakka sveitirnar mikið til að leiða saman hesta sína á ný og trylla eldhressan lýðinn.

Það held ég nú
Ég er að droppa plötu í ágúst og það er ekki seinna vænna að tilkynna útgáfutónleika plötunnar en þar mun ég taka helstu lög af henni í bland við eldra efni.
Ég elska Gamla Bíó og kom ekki annað til greina en að halda útgáfutónleikana þar.
Þetta er allt gert í fallegu samstarfi við
Happy Hydrate, Polo og Dominos.
Hlakka til að sjá ykkur í moshpit á gólfinu eða í þægilegum sætum á svölunum
Miðasala tilkynnt síðar

20+

Romain Collin, píanóleikari og tónskáld, heldur tónleika í tveimur þáttum í Gamla bíói 15 ágúst. Kl.20

Romain heldur til í New York og hefur í tvígang verið tilnefndur til Grammy verðlauna. Hann hefur komið til Íslands ítrekað síðan 2019 og hefur haldið þrennar tónleikaraðir í Hannesarholti og í Vík í Mýrdal.  

Fyrir hlé leikur hann með söngvaranum og lagahöfundinum S.Carey, sem ferðast líka um heiminnn sem trommari og er einn af stofnmeðlinum hljómsveitarinnar Bon Iver. Collin og Carey héldu saman tónleika síðasta vetur á Íslandi og hittast nú aftur á einstöku tónleikakvöldi í Gamla bíói. 

Eftir hlé kynnir Romain rafhljómsveit sína FOSS, verkefni sem hann skapaði í einangrun á Íslandi í heimsfaraldrinum. FOSS er þekkt fyrir að blanda saman "vintage" og framsækinni tækni og hefur þróast yfir í kvikmyndaverk sem skapar kraftmikla sjónræna-og hljómræna upplifun með því að blanda stórbrotinni kvikmyndun við lifandi elektrónískan tónlistarflutning. Hér er um einstakan viðburð að ræða.

Check out FOSS:

https://www.youtube.com/watch?v=J97xpiOhZME

https://www.youtube.com/watch?v=dfIRxp0yI9M

Check out S. Carey

https://www.youtube.com/watch?v=mpdZZhRBnOg

https://www.youtube.com/watch?v=vayNV5c6thg