Þann 2. október munu Hipsumhaps halda tónleika í Gamla Bíó. Tónleikarnir munu marka hápunkt á útgáfuferli plötunnar 'Best gleymdu leyndarmálin' sem leikin verður í heild sinni í takt við ný og óútgefin lög.
Hljómsveit Hipsumhaps skipa:
Fannar Ingi Friðþjófsson - gítar og söngur Jökull Breki Arnarson - gítar og söngur Magnús Jóhann Ragnarsson - hljómborð og hljóðgervlar Ólafur Alexander Ólafsson - gítar og bassi Bergur Einar Dagbjartsson - trommur
Bandið, konseptið, steig fyrst fram á sjónarsviðið síðasta sumar með lag sitt 'LSMLÍ (lífið sem mig langar í)'. Í framhaldi af því komu út tvö önnur lög, 'Honný' og 'Fyrsta ástin', áður en platan 'Best gleymdu leyndarmálin' leit dagsins ljós. Platan hefur hlotið mikið lof frá gagnrýnendum sem og íslenskri alþýðu.
